Krefst réttar til að vera sá sem hann er

Sakris Kupila hefur aldrei upplifað sig sem konu. Þessi 21 árs læknanemi þarf engu að síður að þola daglega smán vegna þess að á persónuskilríkjum hans stendur skráð að hann sé kona – kynið sem hann fékk úthlutað við fæðingu.

Sakris var unglingur þegar hann áttaði sig á því að kynið sem honum var úthlutað við fæðingu var á skjön við hans eigin upplifun. Hann tók sér nýtt nafn sem talið er karlkyns en samkvæmt finnskum lögum má fólk ekki taka sér nafn sem tilheyrir öðru kyni en því sem úthlutað var við fæðingu. Greina varð Sakris með geðsjúkdóm til að hann fengi að halda nafni sínu.

Þetta var fyrsta skref Sakris í átt að lagalegri viðurkenningu á því hver hann er, en til að hljóta kynleiðréttingu í Finnlandi verður fólk að gangast undir greiningu á geðröskun, svo og ófrjósemisaðgerð. Kröfur sem þessar eru smánarblettur á orðstír Finnlands sem opið og umburðarlynt ríki.

Í huga Sakris er valið skýrt. Hann leggst alfarið gegn þessari niðrandi meðferð og krefst breytinga á lögum landsins. „Grundvallarréttindi transfólks í Finnlandi eru fótum troðin eins og staðan er í dag. Við sætum ekki aðeins mismunun innan samfélagsins heldur einnig af hálfu ríkisins,“ segir Sakris.

Krefðu finnsk stjórnvöld um að breyta lögunum og styðja trans-aðgerðasinna.

 

 


Láttu það berast